Авиокомпаниите United и American Отпуштаат илјадници

Јунајтед ерлајнс ќе отпушти 13.000, а американски ерлајнс 19.000 вработени доколку не добијат државна помош.

Американските авиокомпании „Јунајтед ерлајнс“ и „Американ ерлајнс“ потврдија дека ќе започнат да отпуштаат околу 32.000 нивни вработени, бидејќи американскиот Конгрес не постигнал договор за поширок пакет помош, кој го вклучува и авио-секторот.

Јунајтед објави дека ќе отпушти 13.000, а Американ ерлајнс 19.000 вработени, пренесува Бета, повикувајќи се на Франс прес.

Двете компании истакнаа дека ја оставаат отворена вратата за укинување на одлуката за разрешување доколку демократите и републиканците постигнат компромис за финансирање „во следните денови“.

Извршниот директор на Американски ерлајнс Даг Паркер изјави дека неговата компанија ќе ја укине одлуката за отпуштање, која треба да започне на 1 октомври, доколку Вашингтон во следните неколку дена постигне договор за доделување 25 милијарди долари за авиокомпаниите.

Републиканците и демократите без договор

Со падот на авионското патување за околу 70 проценти во однос на минатата година, поради пандемијата на вирусот корона, многу авиокомпании, вклучувајќи ги Јунајтед и Американ ерлајнс, велат дека ќе бидат принудени да отпуштаат без дополнителна државна помош.

Авиокомпаниите и нивните синдикати лобираат за државни пари за да им исплатат на вработените уште шест месеци, до март следната година.

Помошта за нив е блокирана во преговорите за нов поширок пакет помош заради пандемијата.

Републиканците и демократите не можат да се договорат за висината на новиот пакет помош.

1 Shares